काठमाडौँ ।
आयोजक प्याब्सन काठमाडौंको यु–१५ प्याब्सन क्रिकेट लिग (पीसीएल) मा जितको सुरुआत भएको छ। तल्लो मूलपानी क्रिकेट मैदानमा भएको खेलमा प्याब्सन काठमाडौंले प्याब्सन गण्डकीलाई १ १ रनले हरायो।
१७ ओभरमा छोट्याइएको खेलमा प्याबसन काठमाडौंले ७ विकेट गुमाउँदै १ सय ३९ रन बनायो। खेलाडी सन्श्रेय श्रेष्ठ (३५) र कुशल बिसी (३४) ले महत्वपूर्ण योगदान दिए। कुशल बिसी ज्ञानमन्दिर सेकेन्डरी स्कुल वालाजुका विद्यार्थी हुन् स्कुल परिवारले उनलाई बधाई दिँदै हौसला प्रदान गरेको छ । ५ विकेट लिएका तपेन्द्र विष्ट ‘म्यान अफ द म्याच’ घोषित भए। प्रत्युत्तरमा गण्डकी १ सय २९ रनमै सीमित भयो।
माघ २८ गतेको अर्को खेलमा प्याब्सन बागमतीले सुदूरपश्चिमलाई ३ विकेटले हरायो । सुदूरपश्चिमले १ सय १६ रन बनाएकोमा बागमतीले १९.२ ओभरमा लक्ष्य हासिल गर्यो। अविजित ६० रन बनाएका विशाल ऐर ‘म्यान अफ द म्याच’ मा दर्ता भए।
राष्ट्रिय खेलकुद परिषद्का उपाध्यक्ष ध्रुव आचार्यले उद्घाटन गरेको प्रतियोगिता फागुन ६ गतेसम्म चल्नेछ। विजेताले १ लाख ५० हजार र उपविजेताले ७५ हजार नगद पुरस्कारको घोषणा गरिएको छ। बिहीबार गण्डकी–कोशी तथा सुदूरपश्चिम–मधेशबीच कडा प्रतिस्पर्धा हुनेछ।
