काठमाडौं ।
तारकेश्वर नगरपालिकाले मंसिर १८ – २५गते सम्म आयोजना गरेको तेश्रो मेयर रनिङ शिल्ड प्रतियोगिता अन्तर्गत टेवलटेनिस खेल प्रतियोगिता सृजना ज्ञानसागर माध्यमिक विद्यालयको संयोजकत्वमा सम्पन्न गरेको छ।
मंसिर २२ गते सृजना ज्ञान सागर तारकेश्वर -४ मा अवस्थित स्कूलको प्राङ्गणमा भएको टेबलटेनिस प्रतियोगितामा खेलप्रेमी विद्यालय र विद्यार्थीका वीचमा खेल सम्पन्न हुँदा प्रतियोगितामा एकल छात्रतर्फ सृजना ज्ञानसागर मावि र हिमरश्मि हाइस्कूलले क्रमशः प्रथम र द्वितीय स्थान प्राप्त गरे भने तृतीय स्थानमा भने लालीगुराँश र ग्रिन हिल्स मा वि सुरक्षित भए ।
त्यसैगरी टेबलटेनिस एकल छात्रातर्फ प्रथम स्थान र द्वितीय स्थानमा क्रमशः हिमरश्मि र कौशल मावि सुरक्षित रहे भने तृतीय स्थानका लागि मानसिंह र नर्थभ्याली मा .वि दुई स्कूल विजेता घोषित भए।
अर्कातिर टेवल टेनिस मिक्स डबल छात्र / छात्राको प्रतियोगितामा प्रथम र द्वितीय स्थान क्रमशः हिमरश्मि र सृजना ज्ञान सागर मा .विले हात पारे। तेश्रो स्थानका लागि भने दुई स्कूल रोजमेरी र ल्याण्डमार्क मा .वि ले सफलता प्राप्त गरे।
टेवल टेनिस प्रतियोगितामा टिम विद्यालयको रूपमा प्रथम हिमरश्मी हाइस्कूल , दोश्रो सृजना ज्ञानसागर र तेश्रोमा कौशल मावि परेका छन् । खेलमय भएको तारकेश्वर नगरपालिकाको यो तेश्रो मेयर रनिङ शिल्ड प्रतियोगितामा ५३ स्कूलका ३ हजार ४ सय २४ खेलाडी विद्यार्थी समावेश भएका छन्।
