अर्गनाइजेसन अफ प्राइभेट स्कुल्स (OPS) को आयोजनामा अन्तरविद्यालय टेबलटेनिस प्रतियोगिता जेठ ३० गते हिम रश्मि हाई स्कुलको समन्वयमा हिमरश्मिकै प्राङगणमा सम्पन्न गरिएको छ ।
OPS ले सदस्य विद्यालयका विद्यार्थीहरूको सर्वाङ्गीण विकासलाई प्राथमिकतामा राख्दै विभिन्न अतिरिक्त क्रियाकलाप सञ्चालन गर्दै आएको छ। सोही कार्यक्रमअन्तर्गत टेबलटेनिस प्रतियोगिता सम्पन्न गरिएको हो।
सिनियरतर्फ कक्षा ६ देखि १० सम्मका विद्यार्थी र जुनियरतर्फ कक्षा ५ तथा सोभन्दा तलका विद्यार्थीहरूले प्रतिस्पर्धा गरेका थिए ।
जेस्ठ ३० गतेको दिनभरिको प्रतियोगिताबाट ओप्सका १७ विद्यालयहरूले भाग लिएका मध्ये सिर्जना ज्ञानसागर स्कुल विजेता बनेको छ , उपविजेतामा हिमरश्मी हाइस्कुलले आफ्नो नाम दर्ता गरेको छ। त्यसैगरी तेस्रो पुरस्कार सेक्रेड हार्ट सेकेण्डरी स्कुलले हात पारेको छ ।
ओप्स पदाधिकारीहरूबाट विजयी विद्यालय तथा खेलाडीहरूले ट्रफी, मेडल तथा प्रमाणपत्र पुरस्कार स्वरूप प्राप्त गरेका छन्। ओप्सले यस्ता खेलकुद प्रतियोगिताबाट विद्यार्थीहरूले जितहार ,अनुशासन सिकेर विद्यार्थीहरूअगाडि बढ्ने विश्वास लिएको छ।
